Psa 89 | VulgJ | STEP | oratio Mosi hominis Dei Domine refugium tu factus es nobis in generatione et generatione oratio Mosi viri Dei Domine habitaculum tu factus es nobis in generatione et generatione

Psalms 89

1 oratio Mosi hominis Dei Domine refugium tu factus es nobis in generatione et generatione ^va 2 priusquam montes fierent et formaretur terra et orbis a saeculo usque in saeculum tu es Deus ^va 3 ne avertas hominem in humilitatem et dixisti convertimini filii hominum ^va 4 quoniam mille anni ante oculos tuos tamquam dies hesterna quae praeteriit et custodia in nocte ^va 5 quae pro nihilo habentur eorum anni erunt ^va 6 mane sicut herba transeat mane floreat et transeat vespere decidat induret et arescat ^va 7 quia defecimus in ira tua et in furore tuo turbati sumus ^va 8 posuisti iniquitates nostras in conspectu tuo saeculum nostrum in inluminatione vultus tui ^va 9 quoniam omnes dies nostri defecerunt in ira tua defecimus anni nostri sicut aranea meditabantur ^va 10 dies annorum nostrorum in ipsis septuaginta anni si autem in potentatibus octoginta anni et amplius eorum labor et dolor quoniam supervenit mansuetudo et corripiemur ^va 11 quis novit potestatem irae tuae et prae timore tuo iram tuam ^va 12 dinumerare dexteram tuam sic notam fac et conpeditos corde in sapientia ^va 13 convertere Domine usquequo et deprecabilis esto super servos tuos ^va 14 repleti sumus mane misericordia tua et exultavimus et delectati sumus in omnibus diebus nostris ^va 15 laetati sumus pro diebus quibus nos humiliasti annis quibus vidimus mala ^va 16 et respice in servos tuos et in opera tua et dirige filios eorum ^va 17 et sit splendor Domini Dei nostri super nos et opera manuum nostrarum dirige super nos * et opus manuum nostrarum dirige;

^va